بسم الله الرحمن الرحيم
والصلاة والسلام على المبعوث رحمة للعالمين
صلى الله عليه وسلم
أعزائى
كل القلوب الى الحبيب تميل ومعى بذلك شاهد ودليل
أما الدليل اذا ذكرت محمدا سالت دموع العاشقين تسيل
مولاي صلى مولاي صلى وسلم دائما أبدا على حبيبك خير الخلق كلهم
صلوا عليه وسلموا تسليما
صلى الله عليه وسلم
قال الرسول صلى الله عليه وسلم ( بخيل بخيل بخيل قيل من يا رسول الله قال من سمع اسمى ولم يصلى على )
صلى الله عليه وسلم
يا منزل الايات والفرقان بينى وبينك حرمة القران
اشرح به صدري لمعرفة الهدي واعصم به قلبى من الشيطان
طهر به قلبى وصفى سريرتى أجمل به ذكري وأعلى مكانى
واقطع به طمعى وشرف همتى كثر به ورعى واحيى جنانى
وامزجه ياربى بلحمى مع دمى واغسل به قلبى من الاضغان
أنت الذي صورتنى وخلقتنى وهديتنى لشرائع الايمان
أنت الذي علمتنى ورحمتنى وجعلت صدري واعى القران
أنت الذي اطعمتنى وسقيتنى من غير كسب يد ولا دكان
وبعد
اعذرونى ان انا هتكلم باللغة العامية حتى يصل مضمون كلامى للجميع للمتعلم وللجاهل
الكلام اللى هقوله دا حقيقة علمية
زي ما ان الحب يصنع المعجزات
بردو الفراغ يصنع الكثير والكثير من المعجزات
فالفراغ الان اصبح مشكلة حقيقية
حيث فى الماضى كان الناس يملئون أوقات فراغهم اما بقرائة القران أو بالرياضة أو بالتفكير فى الابتكار أو الاختراع أو ...أو....أو....
انما دلوقتى شوف ياجدع الناس بتملأ وقت فراغها فى ايه ؟؟؟!!!!!!!
اما فى التلبفزيون أو فى النت أو فى الانتخة أو فى النميمة أو فى ... أو فى .... أو فى ...
بالنسبة ليا أنا الفراغ خلانى أعمل حاجات كتير منها الحلو ومنها الوحش
يعنى مثلا
انا من كتر ما انى قاعد فى فراغ بقيت بعمل حاجات كتير غريبة عمري ما تخيلت فى يوم من الايام أن انا اعملها
زي ايه مثلا
التدخين انا دلوقتى بشرب سجاير مع ان انا عمري فى حياتى ما توقعت انى أدخن ولا احط سيجارة فى بقى وبعدين انا اساسا مبحبش ريحة الدخانة
من كثر ما انا قضيت الاجازة اللى فاتت دي فى فراغ بجانب بعض المشاكل الشخصية وقهر الوالد وطغيانه عليا حتى فى اتفه الاسباب
ملقتش حاجة اطلع فيها زهقى الا السيجارة مع ان دا غلط جدا وكل دي تفاهات ملهاش لازمة
بجانب ان انا وقت فى مشكلة أكبر بكتير من التدخين وهى (( الحب ))
بجد انا نفسيتى تعبانى أوي بسبب الموضوع دا
انا كنت زمان لما اسمع واحد يقول انه بيحب واحدة وخايف انها تضيع منه بقوله ياعم عادي البنات على افا من يشيل
دلوقتى بجد لما عشت التجربة وعايش القلق اللى الواحد بيقع فيه انا بجد بقيت خلاص مش قادر وعايز اخطب النهارده قبل بكرة
ما علينا سيبك من موضوع الحب دا
من كتر ما الواحد قاعد فى فراغ بقى يتنشأ على أي واحد يقعد معاه علشان يفضفض معاه فبقى الواحد يقعد مع طوب الارض منهم الصالح ومنهم الطالح
فقعدت مع الفاشل ومع الناجح ومع اللى مخه نظيف وبيعمل وبيتعب لمستقبله ولحياة سعيدة وحياة كلها امان ومع اللى دماغه مفسيه وفاضية وكل همه
ان يعيش اللحظة امايلعب لى جيم ويربى لى فى عضلات أو ياكل أو يشرب أو يقعد على النت ودماغه فاضية فاضية بجد يعنى
علشان مطولش عليكوا انا هنهى الموضوع دلوقتى وهيبقى فى جزء تانى للموضوع
المهم نصيحة بجد انا بندم ان انا معملتش بيها لانى اساسا مكنتش عارفها
اقضى وقت فراغك فى حاجة تفيدك حتى لو هى مش على مزاجك
ولكم خالص التحية
Sasa